| rui's profile┎→life of 贇贇←┑PhotosBlogLists |  Tools  Help |
|
|
October 24 莫名其妙琴日有D莫名其妙。
中午，俾我嘅老細拉咗出去食飯。
我都知道出事噶啦……
果然，拉住我就想水我買安利嘅礦物片同蛋白粉。
佢話，有個醫百病嘅方法，就是保持人體嘅修復系統正常，咁就可以唔得病~
方法系啱噶，角度都唔錯，問題，系咪凈系有原料就得？機器罷工一樣唔work噶~
臨落班，個病人突然窒息……
好在搶救幾時……無事。
人真系好化學，個天要你死，隨便都可以搵到嘢~
好啦，收工，去睇電影，坐過龍，去咗白雲路吧（好似是），
然後我唔知距離中華廣場幾遠……好在，識得行翻過去……十分迷……
《阿童木》嘅普通話配音實在是九唔搭八……可惜只有普通話！
仲要俾人cut到亂七八糟。
睇完電影，就收到敗家宏嘅call……肯定好無聊。
差唔多落車，佢再打來，叫我幫佢打電話，然後再同我講D嘢……
唉~大佬，你失戀關我鬼事咩……做得衰野多，你預咗會有人對你做翻同樣嘅嘢噶啦~
又話，有個女仔話肯賣咗間屋，俾首期，再一齊供……
好明顯，過唔到自己果關--大男人心理。
山東佬又來湊熱鬧，我唔復短信非常正常，佢居然打電話俾我……救命。
然後，翻到屋企阿娘又扭計……
暈……
今日要去買魚缸，屋企條魚生咗20幾條仔囡，
要細屋搬大屋~ September 18 總系……總系一大堆瑣碎事情，
然後，
將簡單嘅事情複雜化。
總系有D人響唔適當嘅時候來聊你，真系煩到你想同佢講，麻煩彈開D。
中國嘅各種制度總系有本事將你逼瘋。
心情總系容易低潮。
總系想逃避……
總系，那麼需要溫暖。
總系追尋，但系唔知自己需要乜嘢。
總系不滿，總系抱怨，卻總系得個講，唔去做。
總系……總系…… September 12 匆匆從上個禮拜開始，就進入呢種狀態。
匆忙去行街，匆忙聽完課就急住去食自助餐。
接到電話，去見一個千里迢迢開車過來嘅驢友，短短2、3個鐘，又要講再見。
今日又繼續一落班就走。
一個電話，又call咗我出去，坐落傾咗個來鐘，又分別。
另外一個就更無謂，只系一杯椰汁西米露嘅時間。
時間總是唔夠用，我未夠時間消化，
已經過去了，而我總在向後看。
面對別人嘅事情總是冷靜得幾乎冷淡，
而自己嘅，就……
呢個季度無數次俾人問，有無拍拖？有無男朋友？
其實，你們口中嘅“拍拖、男友”只系擔心吧？
問完，又唔信我講……
何不順其自然？寧缺毋濫一直系我嘅態度。
時間太短，事情太多，
匆匆一世，何必強求凡事完美？ July 16 任性最近某女同某男lost control，
因為發生咗某D原則性問題，
然後，我佩服佢哋仲可以安然相處。
我自問，我未必做得到。
環境我哋無得選擇，但系，心可以選擇。
就正如我哋唔可能避免同唔中意嘅人相處，但系我哋可以選擇相處時候嘅態度。
呢D，算唔算任性？
大概吧~我始終無辦法對D不知所謂嘅人假裝親密，我覺得咁樣太肉酸了…
希望我嘅直覺準，唔好再維持呢個狀態。 July 07 數字人生從存在，我哋就與數字結下不解之緣。
預產期是幾時，胎齡是幾多~
某年某月某日某時，滿幾十周嘅BB出世，重Xkg，長X公分，
呼吸X次，心率X次，體溫又是……
到我哋病咗，去睇醫生，會抽血，檢查一系列嘅嘢，
結果系，紅細胞幾多，白細胞幾萬，血色素幾多克~一堆數據然後支持你其實只是個感冒。
大個咗，要讀書了，家長同老師睇你有無認真讀書，又是睇數字。
默寫、背書、朗誦、比賽、測驗、考試，邊樣唔系睇成績？
經歷超過10年以上嘅類似生活之後，我哋踏足社會。
衡量一個人嘅價值，要睇下佢可以創造幾多，然後又獲得幾多。
大概，又是睇數字吧……
識得幾多語言，有幾個BF或者GF，幾份工，一個月幾多錢，幾多固定資產，有幾間屋，幾部車，幾個國籍，and so on~
然後到年老，繼續都是數字。
有幾個子女，有幾個孫，幾多歲，幾錢退休，有幾多慢性病……
只是突然發現，人真是靠數字來衡量好多嘢，多到你諗到嘅，幾乎都系。
只系唔希望感情都是要比較同計算，
否則，我哋只要機械人就得了……
June 23 感動Sim無講錯，
可以令人感覺浪漫嘅只有吸血鬼。
一個問題，我問咗我認為重視我嘅人，
今日，我聽到兩個令我感動嘅答案~
其中一個系，如果我系吸血鬼，我會吸你血，令你長生不死~
呵呵~
而另一個系，我會成日去探你阿娘~
多謝~
大家越來越瞭解我了~
只系我閒來無事胡思亂想罷了~
星期四就摞畢業證了，真系結束了吧。 May 31 備份越科學越化學。
越方便，越容易得到，同樣越容易失去。
其實只系手機系統出問題，然後，我2個幾月來嘅記錄就咩都無曬。
已經第二次了，好討厭呢種感覺……
不過唔系可以控制嘅。
彷佛大家都有過類似嘅經歷，
然後知道要備份。
然而，好多嘢都是唯一嘅，再點樣備份，都已經無意義了……
我只系希望，同樣嘅嘢唔好再發生，又或者，我記得備份…… May 04 Good Night~離開你哋一日，
我已經希望快D考曬試，快D翻來了~
無錯，一大班人一齊玩系好開心，
但系開心過後，只有填不滿嘅空洞……
還好，我記錄咗我嘅所見~
不過人物暫缺，
暫時以照片以訴相思。
 My Dears，Good Night！ February 24 小朋友某日落班，
見到某醫生抱住囡囡，一行鼻涕一瓢眼淚嘅樣子，
忍唔住過去引佢。
“小朋友，做乜喊啊？唔好喊，姐姐請你食糖~”
即刻無喊出聲咯喔~眼定定咁望住我，猶豫。
我從袋低搵咗粒糖出來（我都是無意中發現自己有糖），
俾咗佢，佢即刻將手上拎住嘅嘢--我都唔知佢拎住D乜，俾曬個婆婆，
然後，接我粒糖，好俾面嘎啦！
結果都是開唔到，我幫佢開。
爸爸開口啦：“多謝姐姐啦！再飛吻一個~”
小朋友口齒不清咁講咗句多謝，連飛吻都嫌麻煩，直接錫面！
感覺好幸福，好簡單，就是覺得幸福。
因為未到落班時間，小朋友要婆婆先抱走，
一翻到婆婆嘅懷抱，小朋友就即刻扁嘴！
就是你想象中嘅速度，翻面快到啊~~~
仿佛睇到細個嘅自己，聽講，我都是唔愿意去child care噶。
每日到幼稚園附近就開始喊，就是唔返學。
阿娘果時唔捨得，所以要老豆送我。
好好笑，是咪小朋友都有某D怪習慣呢？
抑或，佢俾我哋更敏感，乜嘢是對佢好噶？
只是不禁感嘆，真是唔容易，教育一個人，無論大細。
無愛，我哋都無法長大，更加唔識得去愛！ February 06 呃……突然有人提醒我，
我原來不被某個護長喜歡。
其實從一開始，佢就唔中意我，我feel到。
I don't know why……
我自問，我真是乜嘢都無做過。
然後，開始做嘢，佢就對我諸多挑剔。
Maybe，我就是唔討喜吧，對於佢。
今日，我又仿佛講錯嘢……
我只是對一個醫生直呼其名，同護長一樣嘅稱呼。
大概，無人話我聽，我已經忽略咗佢對我嘅不滿……
佢話，你唔是應該叫老師咩？！
好在個醫生維護我，你唔嗌名，我嬲噶~
呃……
大概唔關護長事吧？！
我都無叫你……
不過都知道要改無大無細呢個壞習慣了……
的確，你嘅同事無必要包容你嘅壞習慣。 January 31 over...回想起我無做運動嘅日子可以用年來計算了，
其實完全就是唔是藉口嘅藉口：忙，無時間，懶得。
有時候被安排好嘅日子真是容易過得多，
就如過年呢幾日。
好耐都無試過乜都唔使諗，起身就知道今日休息有咩做了，
有平凡但是幸福嘅感覺~
Yesterday同mami、aunt、So& her BF 去打羽毛波，
今日就完全知道自己太耐無運動嘅後果了……
右邊身完全是處於缺氧同乳酸堆積嘅狀態，感覺可以體會行動不便嘅感覺了……
不過過程是十分開心噶~
今日仲唱埋K添~不過就陪唔到sim咯，
始終人都唔可以做到有求必應。
all over啦，聽日返工~
要加油！Everyone！ December 31 08年最後一個句號。今年全世界都有好多令人震撼嘅事情發生。
反問自己，你經歷咗幾多？你又成長咗幾多？
突然慶幸，其實我經歷得還不算太多，
我沒有失去親愛嘅家人、朋友，
我仲新識好多朋友。
“5·12”令我明白到，好多好多人記掛住我，
要多謝嘅人太多，我會用心記住，當你哋需要Lai嘅時候，我一定義不容辭。
再來就是奧運。
作為一個中國人，真是好自豪！
從一開始，就可以睇到中國人嘅認真、承擔、付出同堅持！
或許，呢個Olympic game唔夠完美，因為有好多意外發生。
but卻令全世界都記得2008嘅中國人如何堅強。
再來，都唔是太好嘅消息，
股市大跌、三聚氰胺、不斷嘅地震，
不斷嘅天災人禍。
感謝我依然活著，
比機會我經歷更多。
仲有幾個鐘加一秒，
仿佛世界可以從頭來過。
只希望來年唔好再咁多不如意，
平平淡淡已經很好。
死嘅人已經夠多了，
唔好再打仗了，
亦唔好再咁多疾病、天災，
縱使經濟唔好，
都俾信心大家繼續懷有希望，行落去！ July 04 多谢小肥！唔知我个契弟是否会睇我嘅space呢~
哈哈~
不过无论如何，
我都是应承咗某人，要补一篇about阿肥嘅。
Thank you very much！
如果果日唔是多得你，我估最近好失魂嘅Lai，
又要因为停机发孟憎！
突然你觉得好似海绵，
可以听我发牢骚，
帮我预防D唔开心~
呵呵~比喻十分唔贴切。
But，都要多谢你！
如果唔是，我会少咗个欺负嘅对象。
某人仲问：你是咪中意咗佢啊？！
答案是：……
唔讲得，唔是会俾人打！哈哈！
想知就问我啦！ May 22 I'm fine！原來心血來潮是有原因噶……
原來心血來潮是因為有四百個廣島原子彈要同時爆發……
真是惡劣……
不過，還好，我運氣好好，一D事都無，心靈亦無受到傷害。
因為地震當時我響平地，身邊亦無多少高樓大廈，見唔到所謂嚇人嘅場面。
至於心靈，我一向覺得，如果死於自然環境，我樂意。
人類太唔識得愛惜環境，肯定會自食惡果。
只是，所有地震嘅后遺癥卻令人心酸、心痛加沉重。
失去父母嘅孩子，失去孩子嘅父母，失去老師嘅學生，失去學生嘅老師……
到處都是。
點解要選擇一個民風淳樸、風景優美嘅小縣城？
其實，上天并不公平吧……
而且還要斷絕所有後路，只剩下水路。
大概，血可以唔凝固，亦已經成河了吧…
全中國嘅人心都響度顫抖，
然後再堅強。
失去之後，學會珍惜，學會愛，學會包容。
對於自然災害，人顯得如此渺小，此刻私人恩怨、感情都可以放一邊了。
只是希望生者可以堅強~儘快企翻起身。
P.S 多謝所有記掛住Lai嘅朋友，親人，老師！
我會很好，繼續好落去！ April 13 Never Full第一次行入成都嘅LV鋪頭，
然後發覺，響成都，可以俾其它地方豪。
地方大，你可以想點就點。
Aunt話想要30號嘅Never Full。
好名！
仿佛就是女人對服飾嘅欲望，
正如權力于男人，
更確切，是人不斷膨脹嘅欲望。
得到了，就想要更多，never full。
欲望從習慣就可以體現。
正如志偉嘅汶萊之旅所陳述嘅，
當你有更多，你就唔會介意更加奢侈。
但是，就是因為人嘅never full欲望，
人類才會有那么飛速嘅發展吧……
Never Full。 October 02 最後一個10.1好似應該仿佛呢嗰是大學最後一個有得放ge十一。
開學三個禮拜，好多嘢都改變咗，變得好忙，好奇怪。
一個星期5晚都有課，每日都是5節以上，上到連胡思亂想ge力氣都無。
最近好經典ge事是：
有個大學同學終于要拍拖啦，結果是個女仔鍾意咗佢室友，而且，個女仔仲深愛住另外一個女仔……
最悶ge是，佢室友一早就知道呢個事實，都仲慫恿佢去追個女仔。
而個不知所謂ge女仔亦肯同佢一齊。
結果就是：我接手咗安慰果嗰同學ge工作。
同爲Libra B型，我只是講晒D事實出來，要佢知道作爲局外者應該是點睇呢件事。
還好，佢有個家姐，送咗首《同手同腳》過佢……
手手腳腳無啦啦又開始出嘢……真是悶到想死！！！
|
|
|
