| rui's profile┎→life of 贇贇←┑PhotosBlogLists |  Tools  Help |
|
|
September 10 仿佛今日無意中見到一個已經過身嘅病人嘅老婆，真系一個老婆婆……
佢頭髮同以前一樣淩亂，
背亦無挺直，
拉住部裝滿嘢嘅車仔，
用力向前行。
我響度諗，呢個人咁熟口面噶？！
突然諗起佢先生過身嘅時候，佢話，肥佬，你咁叻，成日幫人，點解就咁就行咗去？！
死亡真系好突然，本來都打算俾佢出院，結果，咁就出唔到院……
今日去聽課，一個醫生問主講，我哋個病人點點點，有咩辦法？
主講講咗一堆建議，
last講咗一句，
醫生唔系神，唔系咩病都醫得好，盡力而為吧！
系咯，死亡系無可避免，大家只要盡力，
盡力過好每一日，
而作為人，亦要尊重任何一條生命，不要自以為是。
December 29 氣難下人執著起身真是令人討厭到想打開佢個腦睇下裡面究竟是乜構造！
既成事實嘅，我已經學習忽略。
可以努力嘅，我亦努力。
我唔明，點解睇病一定要咁執著名牌醫院。
只有名牌醫院嘅醫生先睇得好病？
咁其他醫院嘅醫生可以執包袱翻鄉下耕田啦！
你話人哋醫院嘅設備是最好，憑乜嘢？！
都是中山醫系統，你未試過，點知唔得？！
我為咗你睇個病，拖脫咗幾多人你知唔知？
打咗幾多電話，騷擾咗幾多醫生你又知唔知？
你令我老母死幾多細胞你又有無諗過！
做人可唔可以諗下人，唔好咁自私！
無人規定呢個世界必須圍繞你轉嘅，你又知唔知！
響我眼裡，你只是我一個必須照顧嘅人，
我唔是冷血，亦唔是黑心，
只是覺得，你真是被寵壞得好緊要，
緊要到，我忍無可忍！！
憑乜嘢你話要點就點？！
憑乜嘢你響度指揮我就必須去做？！
究竟憑乜嘢！
我是唔順氣，唔順氣你話：如果凈是得D細路，我就遲兩日先去睇。
你咁叻，自己去啊！使乜人帶嘖！
無我呢D細路，你估你會變成點？
點解到宜家，你仲覺得我是細路！
大概，我入世未深，
但是，正常人識得嘅，我都應付得來，
普通人未必知道嘅，我亦了解。
我最憎你就是死要面子！
而為咗你嘅面子，你嘅子女爲了做咗幾多野你又知唔知！
是無本事，怕咩認！
認衰是一件咁難嘅事咩！
曬人時間，曬人錢做D無用功！
非洲和尚！！ |
|
|
