| rui's profile┎→life of 贇贇←┑PhotosBlogLists |  Tools  Help |
|
|
┎→life of 贇贇←┑不要走，大鍾即使敲響妳別放開手... October 24 莫名其妙琴日有D莫名其妙。
中午，俾我嘅老細拉咗出去食飯。
我都知道出事噶啦……
果然，拉住我就想水我買安利嘅礦物片同蛋白粉。
佢話，有個醫百病嘅方法，就是保持人體嘅修復系統正常，咁就可以唔得病~
方法系啱噶，角度都唔錯，問題，系咪凈系有原料就得？機器罷工一樣唔work噶~
臨落班，個病人突然窒息……
好在搶救幾時……無事。
人真系好化學，個天要你死，隨便都可以搵到嘢~
好啦，收工，去睇電影，坐過龍，去咗白雲路吧（好似是），
然後我唔知距離中華廣場幾遠……好在，識得行翻過去……十分迷……
《阿童木》嘅普通話配音實在是九唔搭八……可惜只有普通話！
仲要俾人cut到亂七八糟。
睇完電影，就收到敗家宏嘅call……肯定好無聊。
差唔多落車，佢再打來，叫我幫佢打電話，然後再同我講D嘢……
唉~大佬，你失戀關我鬼事咩……做得衰野多，你預咗會有人對你做翻同樣嘅嘢噶啦~
又話，有個女仔話肯賣咗間屋，俾首期，再一齊供……
好明顯，過唔到自己果關--大男人心理。
山東佬又來湊熱鬧，我唔復短信非常正常，佢居然打電話俾我……救命。
然後，翻到屋企阿娘又扭計……
暈……
今日要去買魚缸，屋企條魚生咗20幾條仔囡，
要細屋搬大屋~ September 18 總系……總系一大堆瑣碎事情，
然後，
將簡單嘅事情複雜化。
總系有D人響唔適當嘅時候來聊你，真系煩到你想同佢講，麻煩彈開D。
中國嘅各種制度總系有本事將你逼瘋。
心情總系容易低潮。
總系想逃避……
總系，那麼需要溫暖。
總系追尋，但系唔知自己需要乜嘢。
總系不滿，總系抱怨，卻總系得個講，唔去做。
總系……總系…… September 12 匆匆從上個禮拜開始，就進入呢種狀態。
匆忙去行街，匆忙聽完課就急住去食自助餐。
接到電話，去見一個千里迢迢開車過來嘅驢友，短短2、3個鐘，又要講再見。
今日又繼續一落班就走。
一個電話，又call咗我出去，坐落傾咗個來鐘，又分別。
另外一個就更無謂，只系一杯椰汁西米露嘅時間。
時間總是唔夠用，我未夠時間消化，
已經過去了，而我總在向後看。
面對別人嘅事情總是冷靜得幾乎冷淡，
而自己嘅，就……
呢個季度無數次俾人問，有無拍拖？有無男朋友？
其實，你們口中嘅“拍拖、男友”只系擔心吧？
問完，又唔信我講……
何不順其自然？寧缺毋濫一直系我嘅態度。
時間太短，事情太多，
匆匆一世，何必強求凡事完美？ September 10 仿佛今日無意中見到一個已經過身嘅病人嘅老婆，真系一個老婆婆……
佢頭髮同以前一樣淩亂，
背亦無挺直，
拉住部裝滿嘢嘅車仔，
用力向前行。
我響度諗，呢個人咁熟口面噶？！
突然諗起佢先生過身嘅時候，佢話，肥佬，你咁叻，成日幫人，點解就咁就行咗去？！
死亡真系好突然，本來都打算俾佢出院，結果，咁就出唔到院……
今日去聽課，一個醫生問主講，我哋個病人點點點，有咩辦法？
主講講咗一堆建議，
last講咗一句，
醫生唔系神，唔系咩病都醫得好，盡力而為吧！
系咯，死亡系無可避免，大家只要盡力，
盡力過好每一日，
而作為人，亦要尊重任何一條生命，不要自以為是。
|
|
||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
|
|
